katingera's paradise

behind those smiles

katingera — Fri, 25 Sep 2009 05:24:37 +0000

madalas kitang nakikitang ngumiti. ngumiti. tumatawa. humahalakhak. ang akala ko nga’y isa kang sanguine*. ngunit ang pagkakataong iyon, doon kita nakilala. sa kabila ng nagsusungit na panahon.

pero ang lahat ay nabago. kung ang lahat ay dinaan ko sa tawa, tawa at tawa, di ko alam na may dinadala kang pasanin. kaya kinimkim at kinalimutan kong tumawa nang…

gusto ko silang punasan habang gumugulong sila. pigilin ang mata mong ilabas sila. pero alam kong sila lang ang paraan para gumaan ang iyong pakiramdam.

gusto kitang kausapin.di ko akalaing ganun pala. gusto kong mag sorry nang paulit-ulit hanggang maubos ang letra. “sorry, di ko alam”.

alam ko, mahirap makuha ang isang bagay. kaya hanga ako sa iyo. kahit di mo sila nakukuha, hindi mo ito ginagawa para sa sarili mo. kundi para sa mga taong mahalaga sa iyo. oo. di mo sila nakukuha. pero hindi ka talunan. malapit ka na dun, may nakahigit lang sa iyo ng isang paligo. pero hanga ako sayo.

prove it. ayan ka, dyan ka masaya. dyan ka ngingiti, tatawa at hahalakhak. patunayan mong hindi ka nagkamali. walang mali o tamang desisyon. kasi ayan ang paniniwala mo, yan ang gusto mo. ang mali ay ang epekto nito sa mga tao sa paligid mo. kung mag-fail ka? no regrets. ginawa mo iyan. mas masakit kung di mo sinubukan.

hanga ako sa iyo. paano mo nagagawang itago sa tawa mo ang problema mo, sa talsik ng laway mo, sa pamamakyu mo, sa pang-haharass-harassan mo? paano? hindi mo naman siguro pinaplastik ang sarili mo? dahil ayaw mo sa plastik. kaya mahal mo kami.

kaya pag tumatawa ako, di ako makatingin sa iyo. natitikman ko sila, sila na gumulong nung araw na iyon. nung pagkakataon na iyon na nakilala kita nang husto.

sayang. di ko ito masabi lahat. pero kahit maraming hakbang ang kailangang taluntunin kung gumulong ulit sila, di na ako mag-aalinlangang pawiin sila. dahil iyon ang pinakamaliit na bagay na kaya kong gawin. at pagkatapos. ngingiti tayo, tatawa, at hahalakhak.

*-isang uri ng taong hindi killjoy, masaya kasama. parang walang ginawa kundi tumawa

Ang Chatroom (si censored, Viduya, Boobs at si Majesty)

katingera — Thu, 03 Sep 2009 03:39:05 +0000

CHARACTERS:

Maui Irene Felix

Glecy Peñaloza

Mary Grace Mora

at ang bidang si Eurmajesty Roque

SETTING:

Notebook ko.

AUGUST 20, 2009

M: Nakapost sa Multiply ni yung pix nila dun sa practical sa P.E. Feel na feel. (nakakatakot).

G: HALA! SCANDAL? nu ba account nun, madalaw

M: censored ulit> di ko alam e. nasa mulitiply ko, hanapin mo sa contacts ko.

G: nu ba sayo?

M: .multiply.com

Mora: haha! patetik talga, mga uncivilized. di alam yung mga pwede for public viewing

G: Yaan mo na, minsan lang eh. Bakit? Meron bang dapat itago? Bwahaha! chaka ba?

Mora: Di o pa nakikita. Baka maeskandalo mga tao sa compshop na makakakita sa karumal-dumal kong gagawin. Haha!

BUZZ!!!

G: TOGOINKS! Endangered specie ba? (AY BAD!)

M: (biglang epal) Kasalanan nila kung bakt nahulog ‘tong PILOT BOLPEN KO!

Ang PILOT Ballpen ni Maui

G: Arawch! Wag mo na isipin men. BAka etong notebook ko mahulog. May mas maganda pa bang TOPIC na pwedeng pagusapan?

Mora: Maganda yung usapan namin nila Maj, Rence at Diane kanina.

TUNGKOL sa: Dinadasalan ba ang boobs para lumaki.

-Kung si Viduya* na lang ang nag-iisa sa genepool niya.

-Kung tao ba si Majesty.

kayo na po ang HUMUSGA.

M: EPIC ang ikalawang katanungan.

isinusumpa ko si Viduya kagabi.

Si Niña^ ang naging saksi sa mga blasphemies.

G: Kung dadasalan ba ang boobs para lumaki, mahirap yan. Mawawalan ng trabaho ang Calayan at Belo.

yung 2nd, anu yung gene pool?

si majesty? tao? NO COMMENT!

Mora:

Sabi nga namin, dasalan niya (majesty) sa QUIAPO. Iluhod niya. Iluhod niya yung boobs niya mula sa entrance ng Quiapo Church.

Tiis-ganda ni Majesty

Ayun, dumaan kasi bigla si Clarissa Viduya”, sabi ni Diane ,

“akalain mo may kaapelyido pa pala si Sir” akala namin endangered species na.

Si Maj mismo ang pumanch-line nun.

Diane: Minsan talaga hindi ako makapaniwala…

Majesy: na tao ako?

M: Kung pwede lang dasalan ang boobs na lumiit e ginawa ko na. Ang hirap matulog ng nakadapa. Tsk, Tsk. Hindi masarap matulog.

G: OO NGA! Sana’y lumayas ang umbok sa harap ko.

Di matitinag ang lahi ni Viduya. @maui: Bakit? Anong karumaldmal ang ginawa sayo?

M: may lahi ba siya//lahat ng piraso ni Viduya sa mundo ay karumal-dumal na.

Mora: Usapang boobs plus Viduya. Not so good a combinatin. 101

G: ANO ANG GUSTO NYONG PAG-USAPAN?

si VIDUYA may BOOBS o si BOOBS may VIDUYA?

M: Yuck naman kung si boobs may Viduya. Eeeew. (naging kikay po si Maui). E ‘di, TAYO ay may VIDUYA. Papakamatay na ko. GROSS.

G: OO nga no? Kadiri. Anu ba naman. harhar.(tawang sosyal daw, ayos sa kowts). Gaano kalaki?

HALA! PAANO TO? PAKABIT NA TAYONG BROADBAND!

Mora:

ayan, Refresh. (Mukha bang refresh button o mukhang yung sa recycle blah blah?)

Internat Conneted 100.0 Mbps

(kaso may bagyo, bumagsak yung antenna!)

Bakit ganito ang site dito, si (from the top!)

Mora: KONTING-TIIS

G: Panung si ?

at binulong sa kin (Glecy) Mora, basta.

LOG OUT

sa inyong kaalaman, ay sa mga patetik na di makarelate,

*-sya ang prof na minamahal naming lahat (Nasaksihan nyo naman DIBA?)

^-ang kalasmeyt naming philosopher, nagse-self study sa Bundok Tralala.

“-yung taga Art.Kom at BBrC na kaapelyido ni Viduya. (Tandaan nyo mag mambabasa, lahat ng may bahid ni Viduya msa mundo ay DAMAY)

ito ang POLL!

katingera — Thu, 27 Aug 2009 04:41:43 +0000

View This Poll

TIPS: paano ang tamang pagdila sa sariling siko?

katingera — Thu, 13 Aug 2009 03:21:00 +0000

Habang taimtim akong nagii-stryro cut ng steering wheel ng aming Going Merry para sa aming booth, naisipan kong dumalaw sa sinisintang Art.Kom.

nakipagpatintero ako sa mga bakas ni potpot na pasimuno ng Warzone. pag natapakan mo ‘yun o may mga kaaway ka sa skul na may lihim na galit ay papahiran ka nila ng Red Ribbon Black Forest sa mukha. (syempre joke lang yun!). hanggang sa makarating ako sa pinagkukutaan ng mga Art.Kom, na naghehena tattoo at nag pepeyper craft ng mga cute na cute na pusaice cream(oi may natakam! popsicle sticks yun!) mga flowers at ninja.
nakita ko dun ang mga kadalagahan ng Art.Kom, ang impersonator ni kuya Gelboy, atibapa. hanggang lumapit sa akin ang isang lalaking may malabong buhay, buhok na di nagsuklay at may solemn voice.

ate, jail booth ka.lahat ng naka violet ay huhulihin. (sa tono ng pananalita niya, para siyng nanghihingi ng abuloy. at ganun nga ang nakasulat sa placard na dala niya.)

naghain siya ng tatlong options.

1. kailangang may magtubos sayo……Php 10.00
2.kung emo ka at walang nagmamahal sayo, may mga pinalobong condom sa blackboard na may challenge sa loob. kailangan mong gawin yun at makakalabas ka na kumpleto ang bulsa……. Php 0.00
3.pag di mo nagawa ang extra challenge, ihanda ang ……..Php 15.00

Ano ba yan,nagtitipid itong tao. Sumilip-silip ako, nagpaikot-ikot, nagbasa ng mga dyaryong nagsisilbing takip sa bintana para masabing jail booth nga. tumingin ako sa Art.Kom, walang tumutubos sa akin, nakisawsaw sa kagaguhang nagaganap. may lalaki (?) akong nakasabay, mala-emong walang nagmamahal. nakita ko rin napinapalitan na nila yung placard, mga naka puti naman. nakasama ko si Angel ay si Mung’tanga. si Angel ay nagpatubos. si mung’tanga ay matapang na hinampas ang pinalobong condom. ay pagkakaintindi ko, magska-squat ata sya, tapos may log-its. 10 mins. di ko naintindihan.

at si minggay, naka-all violet ay nahuli daw kanina. ginawaang challenge. at dahil idol ko sya, sumunod ako sa yapak niya.

dilaan ang siko
dilaan ang siko

dilaan ang siko

kagaguhan. malamng ay taong palaka na mala-chewing gum ang dila ang makakagawa nun. o kaya si lastikaman na kayang hilahin ang siko nya sa dila kung tinatamad siya. anu bang kalokohan ito? perya?
pero naalala ko ang karumaldumal na mabentang joke nung hayskul.

Adik 1: may tae, tatapakan, didilaan o kakainin. anu gagawin mo para
magkapremyo ng 5 kilong gramo ng shabu?
Adik 2: (nag-iisip. meron pala)
isip
isip
isip
(at bumanat.)edi tapakan!
Adik1: babuy! walang hygiene!
Adik2: (na-offend) anu ba?
Adik1: dilaan mo! BHELAT!

ganun nga ang ginawa ko. BEH! shocks! pipiktyuran daw ako! ang ganda pa nung banat ng babae.

tignan ‘nyo! kadiri oh!

oh my fuck. perya? tae, singilin ko kaya sila ng tigsasampu isa? di man lang inisip ang karapatang pantao ko. pero, BRHLAT, walang nakinig sa kanya. nagawa ko ang challenge. ganito

1.ilabas ang dila.
2.ituro ang siko malapit sa bibig. (yan, tama yan,mejo ilapit mo pa ng konti. ayan. gamitin mo yang kaliwang kamay mo. )
3.mejo pahabain pa ang dila.
4.humanda sa kahihiyan.

naiwan si mung’tanga. bumalik na ako sa layag-layagan. concious,tinanong ko ang mga patetiks. eww ba talaga? eww daw.

pero matigas talaga mukha ko. naatimko pa ring isuot ang vayjulet t-shirt na may nakadrowing na unggoy na bagong endorser ng Coke. sawa sa saging. Smile!

Fiesta De Si-Ow-Si yans!

katingera — Thu, 23 Jul 2009 03:07:00 +0000

Lunes, this is it!

Sa pagpasok ko sa sintang kolegio, mistulang ghost town sa car park. Sa laby. Asan ang fiesta? umakyat ako sa pinagkukutahan ng mga dakilang manunulat sa sikand plor (second floor), wala. nagpunta ako du’n sa pinaglulunggaan ng mga dakilang mananaliksik. andun sila.

kabado akong pumasok sa room 214. nagmistulang sabsaban ang buong kwarto sa dami ng dayami sa loob. andami ding bilao na ninakaw pa ata sa tindera ng malagkit, na may picture ni Santa Clara pinung pino* sa loob. sa labas ay may 3 pares ng kawayan na pinagtalian ng 3 kulay orenj na tela. katuatuwa, orange fever.

hinanap ko ang mga dancers na sasayaw sa Obando-obanduhan ng bj 2-1d. nasa PUP main n daw. nu kaya mga ‘chura nila? no comment ang iba. bakit kaya.

siugod na na namin ang main dala ang katakut-takot na higanteng kawayan. daladala ko ang mga bilaong siksik sa dayami at pang facebook na picture ni *. hinarang kami nung isang matanda. tinanaong kung anong kaganapan. coc week po. pipicturan daw kami pag dumaan kami. tama yun, kami at hindi mga dancers.

sa pagpasok namin ay nakasabay namin ang mga ilang nagpaparada. twilight, narnia, at harry potter. tekatekateka. fiesta? bakit ako nakakakita ng babaeng tinubuan ng uban? at nag fifiling edward kalen? syetness, accountancy pala ‘yun. week din pala nila, mga weak.

nung inanawns na ang pagbubukas ng accountancy week, nag palipad sila ng lobo sa prudente park mula sa 5th floor. pero sumabog ang ingay ng mga cocians sa baba. anu ‘yun, nakigamit ng lobo? sabi ng mga nagdudugong utak ng mga future accountants. ahaha! eh kayu nga, nakikisawsaw sa ingay ng mga drums, tili, palakpak, ubo at pilantiiiiik (ehem!) ng daliri ng mga CoCians eh! sabi ng utak ng mga cocians. durog.

habang sa isang tabi, andun ako. inaayos ang putang ‘na na camerang pinahiram sa’kin ng pinsan kong hindi ko mumurahin. masyadong pasikat. namulat sa dilim ang lintik na lente. sobrang liwanag. kung kelan naman kasi big event ay tsaka nagloko. hanggang sa kalabitin ako ni Gania. kelangan daw ng machong magbubuhat sa kawayan habang tinitirada nila ang dance floor. ok! kala ko naman eh, iwawasiwas ‘yung kawayan. taga hawak lang pala. ‘yung cemara ko’y pinahawak ko nalang kay mora.

sa kainitan ng nagdudugong araw, biglang umulan. poota, sa laki ng kawayan ay hindi na ‘ko nangarap na sumilong. pero buti naman, nakasingit ako.

huminto ang ulan, pratice ulit sila. umulan ulit, sabog na naman bumbunan ko.

at nagsimula na ang pagpapasikat ng ma CoCians. eto ang ilang piyestang nasaksihan ng aking naglalakihang eyeballs.

Flower puff festivity- (panagbenga) pyesta ng mga bulaklak sa baguio.mayaman ito. nag arkila pa ng drums na tumutugtog tlaga sa mga fiesta. nakakatuwa yung higanteng kanyon na pinupukpok nung lalaki. kung kiwi ang pinapamahid mong deodorant, o kung mala-hita ang laki ng braso mo, wag ka ng mangarap na sumali dito. parang legs ng eabab ang kinis ng kilikili nila, dahil sa costume nila tubetop.[bj 2-1n]

Happy peanuts festivity(pili)-daring manamit mga babae nila, seksi. kala ko tuloy le vouge na. pati lalaki nila, daring. pero kahugis at kakinis nila yung kawayang dala ko. kanasa-nasa yung likod nung isang lalaki dun. makinis tapos amputi. wag mo lang tignan yung hita niyang tinubuan ng itim na dayami.secret ko na lang kung sino yun.[bbrc 2-2]

Dugyot festivity(taong putik)-dito nakahanap ng kalinga yung mga taong grasa at ruby boys sa pureza. para silang gumulong sa lupa at sinimot ang mga lumot sa lagoon sa pagkagitata nila. yung buhok nila ay parang kinalakay ng ostrich.[bbrc 1-2]

Macho papa festivity(moriones)-lupit ng mga tabs, este, abs nung mga lalaki dito. parang pandesal na kinalimutang nguyain, parang bato sa construction site na hindi na durog. may brown, black, gray, manila paaper.

Bakulaw festivivty (higantes)- eto ang isa sa mga pinanabikan kong fiesta. eksayted akong makita ang kanilang higante.nung unang mga estudyanteng di mawari ang poagsasayaw ang napanood ko. nung lumabas na ang higante, para kong maiiyak kakatawa. kayang kaya kong batukan o sakalin. mas malaki pa yung dala kong kawayan, ang sarap ipalo.

Ethics ethics festivity (itik-itik)-haha, kaya pala kuminis ang mga manok sa palengke. ilan kayang manok ang nalagutan ng hininga dahil sa fiestang ito? di man lang sila nabigyan ng karampatang hustisya. kasi’y balahibo lang naman ang ginamit nila. buti ang di sila sinugod ng mga dakilang Mulawin, Ravena at PETA (oo, o.a. nga. kasi pati yung hamak at bastusing bangaw na nasapul ni Obama ay pinagputok ng butse nila).

FEU festivity (pulilan)- di raw sila prepared. naks naman di nga halata, sa performance. pero yung ibang costume nila ay parang inagaw sa mga batang rugby boys sa V. Mapa. mgha gulagulanit sa basahan. tsktsk. kung naitatanong ninyo kung bakit FEU. kalabaw kasi. [bj 1-1n]

emong isda

katingera — Sat, 18 Jul 2009 13:26:00 +0000

“naiinis na ako! parang gusto kong umiyak, magwala, mag-amok, murahin lahat ng bwisit na customer! wala akong masisi. sino? sarili ko? putang ina, para na nga akong isdang di malaman kung saltwater ba o fresh water! oras, mawalang-galang na, pwede bang mag-extend ka at bumalik?sa’n ako lulugar? sa utang na loob o sa commitment?”

gm ko, windang kasi ako. ‘nak ng pating. walang pwedeng maiwan sa tindahan na pinagtratrabahuhan ko kundi ako. ako din ang kailangan sa booth dahil sa sangkatutak kong karton. pero hindi ko maihatid sa aming sintang coc dahil paalis na pinsan ko.

wala, emong isda daw ako. nagreply si hera. si mommy tonette ng aRTkom, pinaCALMA ako (boogoom! may tinamaan!).

pero habang nagkikilo ako ng 1 kilong bugas sa 36. gumana ang malahayop ‘kong utak. papuntahin mo na lang kaya sila dito? sabi ni utak na nag-eeksist pala. TAMA! sagot ko pamasahe!

ti-nxt ko si angel, pati si maui. ti-nxt ko si angel, pati si maui. ti-nxt ko si angel, pati si maui.ti-nxt ko si angel, pati si maui. pero walang nagreply. sinabi ng utak ko na baka nagalit sila. dito na umentra ang gm kong umuusok ang ilong sa galit. naka-3 msgs ang lolo mo, pasalamat sa unli.

pero may ngtambak ng txt sa akin. pupunta daw sila! naghuhumiyaw ang utak kong kumag. nalilito na ako sa pagtitinda.

kaya sinabi ko ‘yung direksyon nila, na hindi ko na ipopost dahil baka magakyat bahay ka pa sa mansyon namin. pinababa ko sila sa broadway, sa kyusi ‘yun, tapos sakay silang trisikol at sabihing with feelings eleben baba po. sa may paradahan ng trisikol, sa may outpost at sa may tindahan ni michael dela cruz store. ganyan kalawak ang aming tinahan.sa dami na siguro ng sinabi ko, inutil na lang na driver ang lalampas.

inutil nga. nung makita ko ang namimilog na hita ni clarence sa trike, nag amok ako.

“gagu! lumamapas kayu!” pindot sa cp ko.

bumalik ang lintik na tricycle, (tricycle na lang ang sisihin natin dahil masugid na fan pala ng tindahan namin ang driver). siningil sila ng tig-kinse. ow siyet. ang mahal.

pumasok sila sa tindahan. ang baklang aso namin sa si DONG (short for dingdong) at ang pamacho-pero-echuserang si SERGIO (si dingdong sa marimar) ay nagtahulan. sa laking bulas nina jobelyn ay nayari sila ng mga asong may tinatagong lihim. gusto mong malaman ang lihim? itanong mo kay soriano.

gumana na naman ang talento ng PATETIKS na humarang. nagmistula silang malaking bara. pero keme lang, kasi tinulungan nila ako magtinda.

binigay ko na ‘yung karton at ilang plastik na bote, siguro kung hindi sila nakabihis at ‘alang ID, nagmukha silang nangangalakal ng basura!

nakasabay pa nila si tatay. napangiti ang bangs kong malupet nung sinabing sasabay sila patungong broadway para makatipid ng pamasahe. napangiti ang bulsa ko. ang sustento kong 90 pesos ay umurong sa 50.

nung lumayas na sila, napanatag ang kalooban ko (diba sa nido ‘yun?)
inihintay ko na lang sa ‘muwi yung pinsan ko. nangangati ang kamay ko sa paintbrush at uhaw sa malagkit na pintura.

7pm na sila umuwi. alam kong 2 lang ang lamang ng 7 sa 5, pero oras ang usapan dito.